Турскиот министер за надворешни работи Хакан Фидан изјави денеска дека Меѓународната заедница мора да го направи својот дел за да го запре геноцидот во Појасот Газа и дека мора да го изврши потребниот притисок врз Израел и оние кои го поддржуваат.
Фидан сподели објава на својот профил на социјалната мрежа X во врска со денешното поднесување на барањето на Република Туркије до Меѓународниот суд на правдата (МСП), за да ја вклучи земјата во случајот за геноцид покренат против Израел.
„Охрабрен од неказнивоста за своите злосторства, Израел убива се повеќе и повеќе невини Палестинци секој ден. Меѓународната заедница мора да го направи својот дел за да го запре геноцидот во Газа, да го изврши потребниот притисок врз Израел и оние кои го поддржуваат. Туркије ќе вложи максимални напори за да ја постигне оваа цел“, рече Фидан.
