Ниедна друга опција не може да биде алтернативна на црноморската иницијатива за живот бидејќи носи ризици, изјави турскиот министер за надворешни работи Хакан Фидан, кој престојува во официјална посета на украинскиот главен град Киев.
„Знаеме дека моментално се бараат алтернативни начини за извоз на житото. Меѓутоа, исто така гледаме дека овие начини не можат да бидат алтернативна на првобитната иницијатива и дека носат ризици“, рече Фидан на прес-конференцијата со украинскиот колега Дмитро Кулеба.
Тој додаде дека Туркије продолжува со напорите да го оживее договорот за црноморскиот коридор за жито пред неговите бенефити да бидат загубени.
Исто така, истакна дека благодарејќи и на оваа иницијатива веќе од 33 милиони тони жита и прехрамбени производи стигнале на меѓународните пазари.
„Поради тоа ќе продолжиме да се вкучиме во дијалог со сите страни на сите нивоа“, додаде Фидан. Русија на 17 јули го суспендираше учеството во договорот за црноморско жито, изјавувајќи дека рускиот дел на договорот не е спроведен. Бараше попуштање на банкарските ограничувања и можност да го испорача своето ѓубриво пред враќање на договорот.
Москва повеќе пати се жалеше дека Западот не ги исполнил своите обврски во врска со рускиот извоз на жито.
Анкара презеде интензивни напори за обнова на договорот постигнат во јули 2022 година, а исто така ги повика Киев и Москва да ја запрат војната со преговори.
