Министерот за надворешни работи на Република Туркије, Хакан Фидан, денеска изјави дека земјата ќе поднесе барање и досије за приклучување кон тужбата за геноцид против Израел пред Меѓународниот суд на правдата во среда во Хаг.
Ова го соопшти Фидан на прес-конференција по средбата со неговиот египетски колега Бадр Абдулати во Каиро.
Фидан изјави дека оние кои ја осудуваат војната меѓу Русија и Украина, во случај на продолжување на израелската окупација на палестинските територии, ја играат играта „не гледај зло, не слушај зло, не зборувај зло“.
Шефот на турската дипломатија Фидан потенцираше и дека Израел го убил главниот преговарач во преговорите за прекин на огнот во Газа со подмолното убиство на политичкиот лидер на Хамас Исмаил Ханије.
„Сопствениците на Израел треба да го држат за поводник“, рече Фидан, предупредувајќи дека регионот повеќе не може да толерира израелски провокации.
„Анкара и Каиро направија максимални напори да го спречат ширењето на војната во регионот“, рече турскиот министер за надворешни работи.
Во неделата Фидан ја започна својата дводневна посета на Египет, каде што се сретна и со египетскиот претседател Абдел Фатах ал Сиси.
