Палестинската група Хамас денеска го повика Меѓународниот кривичен суд (МКС) да го надмине политичкиот притисок и да го повика Израел на одговорност за како што се вели неговите злосторства во Појасот Газа.
„МКС и неговиот обвинител Карим Кан не презедоа сериозни и итни мерки во врска со воените злосторства и геноцидот извршени во окупирана Палестина, особено во Појасот Газа. Ова покренува прашања за улогата на судот во заштитата на човештвото од прекршувањата од воените злосторници“, се вели во соопштението на Хамас.
Израел го нападна Појасот Газа по прекуграничниот напад на Хамас на 7 октомври, при што според локалните здравствени власти загинаа најмалку 20.424 Палестинци, главно жени и деца, а беа повредени 54.036 други.
Според израелските податоци, се верува дека се убиени околу 1.200 Израелци во нападот на Хамас.
Израелските напади ја оставија Газа во урнатини, со половина од становите на крајбрежната територија оштетени или уништени, а речиси 2 милиони луѓе се раселени во густо населената енклава поради недостиг на храна и чиста вода.
