Членот на Политичкото биро на Хамас, Изат ал Ришек изјави дека Израел спроведува нов нацистички холокауст во Појасот Газа.
Ришек издаде писмено соопштение во врска со бомбардирањето на израелската армија врз шаторите во кои се сместени раселените Палестинци во кампусот на болницата „Маченици на Газа“ во градот Деир ал Балах во централниот дел на Појасот Газа.
Наведувајќи дека израелската армија со американско оружје го извршила овој напад во кој загинале четири лица, а 40 лица се повредени со тешки изгореници, благодарение на неспособноста на меѓународната заедница, Ришек рече:
„Нападот на Ционистичката армија насочена кон шаторите на раселените луѓе во болницата во Деир ал Белах е новиот нацистички холокауст“.
Посочувајќи дека Израел до смрт пали деца, жени и стари лица во шатори и засолништа, Ришек реагираше на неуспехот на меѓународната заедница да преземе чекори против овој геноцид кој трае веќе една година.
„Сигурно знаеме дека меѓународната заедница нема да направи ништо и дека ционистичката организација ќе ја избегне казната, но нема да се воздржуваме да ги повикаме децата на умметот. Време е да се засили акцијата. Секој треба да дејствува во рамките на своите можности и не треба да се навикнуваат на масакри на нивните браќа Непријателот да не мисли дека никој не стои зад народот во Газа“, рече Ришек.
Откако израелската армија во текот на ноќта ги бомбардираше шаторите во кои се сместени раселените цивили во дворот на болницата за маченици Акса во Појасот Газа, избувна пожар и беше соопштено дека во нападот загинале најмалку четири лица, а 40 лица се повредени.
