Палестинското движење Хамас денеска соопшти дека откриените масовни гробници во комплексот на болницата Насер во Појасот Газа уште еднаш го покажуваат обемот на злосторствата извршени од израелската армија.
Најмалку 190 тела на убиени Палестинци беа ексхумирани од масовна гробница во болничкиот комплекс Насер, откако израелската армија се повлече од градот Кан Јунис во јужниот дел на Појасот Газа.
„Масовните гробници, особено оние пронајдени во дворовите на болниците, уште еднаш го открија обемот на злосторствата и бруталноста извршени од страна на ционистичката армија која напаѓа“, се вели во соопштението на Хамас.
Понатаму се наведува дека без странска неограничена воена и политичка поддршка, израелската армија не би можела да продолжи да масакрира невооружени цивили, вклучително и деца, жени и стари лица, во болниците, засолништата и центрите за сместување и бегалските кампови во Газа.
„Американската администрација обезбедува заштита на оваа фашистичка креација“, се вели во соопштението на Хамас.
