Палестинската група на отпорот Хамас објави дека Израел ги одбил сите нивни понуди за продолжување на „хуманитарната пауза“ во Газа.
Во соопштението на Хамас се наведува дека во текот на ноќта продолжиле преговорите за продолжување на „хуманитарната пауза“ и ослободување на другите затвореници.
Се наведува дека покрај старците биле понудени и телата на заложниците од Израел кои загинале во израелските напади врз Газа.
Во соопштението се тврди дека Израел „не ги прифатил тие понуди бидејќи имал претходна одлука да го рестартира нападот“.
Хамас вели дека Израел е одговорен за континуираните напади врз Појасот Газа.
Во соопштението се наведува и дека „американската администрација и американскиот претседател Џо Бајден, кои целосно го поддржуваат Израел, се одговорни за ционистичките воени злосторства во Газа“.
Хамас оцени дека по вчерашната посета на американскиот државен секретар Антони Блинкен, Израел повторно добил зелено светло и било најавено дека нападите ќе продолжат со одобрување на новите планови од страна на САД.
