Палестинската група на отпорот Хамас денес соопшти дека ќе ослободи шест израелски заробеници и ќе ги предаде телата на четири заложници, според договорот за прекин на огнот во Газа и размена на затвореници со Израел.
„Договорено е преостанатите шест израелски затвореници да бидат ослободени в сабота како дел од првата фаза од договорот за Газа“, рече лидерот на Хамас во Газа, Калил ал-Хаја, во снимен говор.
Тој соопшти дека меѓу шесте заробеници што треба да бидат ослободени в сабота се Хишам ал-Сајед и Аверу Менгисту, кои се во заложништво веќе една деценија.
Лидерот на Хамас рече дека неговата група, исто така, ќе предаде тела на четворица израелски затвореници, меѓу кои се и членови на семејството Бибас.
„Израелскиот непријател ќе ги ослободи палестинските затвореници за возврат според договорот“, додаде тој.
Првично, тројцата живи заложници требаше да бидат ослободени во сабота. Тел Авив соопшти дека ќе го потврди идентитетот на телата штом ќе бидат дефинитивно идентификувани.
„Израел ќе започне преговори за втората фаза од договорот за прекин на огнот, вклучително и размена на израелски заложници за палестински затвореници“, изјави во меѓувреме министерот за надворешни работи Гидеон Сар.
Тој додаде дека Израел бара целосна демилитаризација на палестинската енклава.
