Либанската група Хезболах денес ја презеде одговорноста за минатонеделниот напад со беспилотно летало врз домот на израелскиот премиер Бенјамин Нетанјаху во Цезареја во северен Израел.
Портпаролот на Хезболах, Мухамед Афиф, рече дека групата е „целосно и исклучиво одговорна“ за нападот на 19 октомври, врз домот на „воениот злосторник и лидер на ционистичкиот фашизам, Нетанјаху“.
Кабинетот на Нетанјаху соопшти дека премиерот и неговото семејство не биле во резиденцијата во моментот на нападот.
„Израел не се придржува до етиката на војната и го сметаме за одговорен за безбедноста на нашите затвореници кои ги држи“, рече Афиф.
Тој ги нарече САД „партнер во израелската агресија“ против Либан и дека „се целосно одговорни за масакрите насочени кон нашиот народ“.
Израел започна обемна воздушна кампања во Либан на 23 септември против, како што вели, позиции на Хезболах, предизвикувајќи ескалација на едногодишната прекугранична војна меѓу Израел и либанската група од почетокот на бруталната офанзива на Израел врз Газа.
Речиси 2.500 луѓе се убиени, а над 11.600 се повредени во израелските напади од минатата година, според податоците на либанските здравствени власти.
Израел го прошири конфликтот на 1 октомври оваа година со започнување копнен напад во јужен Либан.
