Хрватската влада ги објави плановите за враќање на задолжителната воена служба за младите мажи во земјата.
„Министерството за одбрана подготви законски предлози со кои се регулира основната воена обука, како и други прашања поврзани со спроведувањето на воената служба“, соопштија оттаму.
Исто така се додава дека процедурите за усвојување на законот се очекува да започнат во јануари, а првите повици за регрути се очекуваат кон средината на 2025 година.
„Потенцијалот е помеѓу 17.000 и 18.00 млади мажи кои секоја година наполнуваат 18 години и кои се наши идни кандидати за основна воена обука“, рече претходно министерот за одбрана Иван Анушиќ за време на обиколката на потенцијалните касарни.
Претседателот Зоран Милановиќ не се спротивстави експлицитно на воениот рок, но рече дека ова мора да се дискутира на седница на Советот за одбрана.
Србија, која е балкански кандидат за членство во ЕУ, претходно оваа година, исто така, објави план за враќање на задолжителната воена служба.
