Јеменската група Хути соопшти дека заедно со групата Ирачки исламски отпор нападнале „витална цел“ во израелскиот јужен град Еилат.
Во соопштението, воениот портпарол на групата Хути, Јахја Сари, рече дека нападот бил извршен со голем број борбени беспилотни летала и тврди дека „прецизно“ ја погодиле целта.
Портпаролот на Хутите, сепак, не откри дополнителни информации за видот на израелската цел што ја погодила неговата група.
Тој исто така вети дека ќе продолжи да спроведува „заеднички операции со Ирачкиот исламски отпор за поддршка на палестинскиот народ и до запирање на (израелската) агресија и укинување на опсадата на палестинскиот народ во Појасот Газа.
Во меѓувреме, израелската армија соопшти дека нејзините борбени авиони пресретнале „сомнителна воздушна цел“ која се приближила до јужниот дел на Израел, тврдејќи дека не преминала на израелска територија.
Хутите со проектили и беспилотни летала гаѓаат бродови што се во израелска сопственост, под нивно знаме, управувани или се упатуваат кон израелските пристаништа во Црвеното Море и Аденскиот Залив во знак на солидарност со Појасот Газа, кој оттогаш е под разорна израелска офанзива по нападот на Хамас на 7 октомври 2023 година.
Откако САД и Обединетото Кралство започнаа одмазднички воздушни напади врз локациите на Хутите во Јемен, тие објавија дека сите американски и британски бродови ги сметаат за воени цели.
