Италија денес соопшти дека има цел дополнително да ја зајакне соработката со Туркије на повеќе полиња,.
Министерот за надворешни работи Антонио Тајани вчера по состанокот со турскиот министер за трговија Омер Болат, на маргините на состанокот на министрите за трговија на групата Г7 во Калабрија, Италија, преку платформата X соопшти: „Италија сака да ја зајакне соработката во секој сектор, почнувајќи од економските прашања.“
„Туркије е стратегиски партнер во Медитеранот“, додаде тој.
Турскиот министер Болат, од своја страна, рече дека разговарале за „заемното очекување да се зголеми обемот на трговската размена на 30 милијарди долари оваа година“.
Тие, исто така, се согласија да одржат состанок на Заедничката економска и трговска комисија во Истанбул колку што е можно поскоро со учество на претставници на бизнис-секторот од двете земји, истакна тој на Х.
„Како Туркије му придаваме големо значење на понатамошното зајакнување на трговските односи со Италија, со која имаме долгогодишна соработка“, додаде Болат.
