Израелскиот премиер Бенјамин Нетанјаху денес соопшти дека одлучил да поднесе жалба на одлуката на Меѓународниот кривичен суд (МКС) за издавањето налози за негово и апсење на поранешниот шеф на одбраната Јоав Галант.
„Израел денеска поднесе известување до МКС во врска со намерата за поднесување жалба до судот заедно со барање за одложување на спроведувањето на налозите за апсење“, се вели во соопштението од канцеларијата на Нетанјаху.
Се наведува дека Нетанјаху денес се сретнал со американскиот сенатор Линдзи Греам во својот кабинет во Ерусалим (Кудс).
Меѓународниот кривичен суд (МКС) минатата недела издаде налози за апсење на Нетанјаху и Галант за воени злосторства и злосторства против човештвото во Газа.
Израел имаше рок до вечерва на полноќ да одговори на одлуката на судот во Хаг.
Израел се соочува и со тужба за геноцид пред Меѓународниот суд на правдата за неговата брутална војна во Појасот Газа, каде што од октомври минатата година се убиени речиси 44.300 Палестинци.
