Израелската Армија изврши жесток артилериски напад врз пограничните региони на јужниот дел на Либан.
Според либанската новинска агенција ННА, израелската Армија бомбардирала градови во пограничната област со артилериски оган и тенкови од типот „Меркава“.
Израелските сили ги гаѓаа градовите Ајта ал Шааб, Рамим, Ед-Духајра, Накура и Лебеније, кои се наоѓаат на границата со Либан.
Според наводите на истиот извор, нападите врз пограничните региони на југот на Либан продолжуваат.
Тензиите се разгореа покрај границата меѓу Либан и Израел поради повремена размена на оган меѓу израелските сили и Хезболах, во најсмртоносните судири од војната во 2006 година.
Тензиите на границата доаѓаат во време на израелската воена офанзива на Појасот Газа во која загинаа повеќе од 32.900 Палестинци од 7 октомври по прекуграничниот напад на Хамас.