Израел купува 25 американски борбени авиони Ф-35 / Photo: AA

Израел вчера потпиша договор за купување на 25 американски борбени авиони Ф-35 за вкупно три милијарди долари, соопшти израелското Министерство за одбрана.

Израел потпиша договор со американската Влада за третата ескадрила на авионите „Адир“ (Ф-35), се додава во соопштението на Министерството.

Испораката на авиони за израелската Армија ќе започне во 2028 година, а годишно ќе се испорачуваат од три до пет авиони.

„Со завршувањето на оваа програма, израелските воздухопловни сили ќе ја прошират својата флота на 75 од овие напредни стелт авиони“, соопшти Министерството.

Американскиот претседател Џо Бајден во април минатата година потпиша пакет помош од 26,4 милијарди долари за Израел, вклучително и 14 милијарди долари воена помош.

Палестинците сметаат дека американската воена поддршка за Израел е обид да се продолжи израелската војна во Појасот Газа.

TRT Balkan / агенции
Популарни