Израелски воени авиони извршија воздушен напад врз хотел јужно од либанската престолнина Бејрут во кој се сместени новинари, при што загинаа тројца од нив, објавија државните медиуми.
Либанската Национална новинска агенција (ННА) соопшти дека цел на борбените авиони бил хотел во градот Хасбаја каде што престојувале новинарите.
Во првичните извештаи идентификувани се тројцата новинари. Тоа се снимателот на ТВ Ал-Манар Висам Касем, снимателот на ТВ Ал-Мајадин Гасан Наџар и техничарот на Ал-Мајадин Мохамад Реда. Повредени се и неколку новинари и фоторепортери од други медиуми.
Израел започна огромна воздушна кампања во Либан од минатиот месец против, како што тврди, цели на Хезболах во ескалација на едногодишната прекугранична војна меѓу Израел и либанската група од почетокот на бруталната израелска офанзива на Појасот Газа.
Израел го прошири конфликтот оваа година со започнување на упад во јужен Либан на 1 октомври.
