Владата во Појасот Газа изјави дека израелската армија директно бомбардирала осум болници во последните три дена, а 18 болници се надвор од функција од почетокот на израелските напади на 7. октомври.
Селаме Маруф, шеф на владината канцеларија за медиуми во Газа, изјави дека израелските сили синоќа го погодиле дворот на болницата Ал-Шифа и влезот на детската болница Ал-Наср.
Палестинскиот функционер изјави дека израелската армија директно бомбардирала осум болници во изминатите три дена во Газа и дека 18 болници се надвор од функција од почетокот на нападот на 7. октомври.
Тој посочи дека израелското бомбардирање на болниците и нивното претворање во воени цели е воено злосторство според меѓународното право.
„Десетици луѓе беа убиени и ранети како резултат на нападот на овие здравствени установи кои треба да бидат заштитени“, рече Маруф.
Според палестинската новинска агенција ВАФА, болницата Ал-Шифа, во која се сместени илјадници пациенти и бегалци, била цел на проектили кои наизменично биле истрелани од израелските авиони.
Во нападите со шрапнели е оштетена околината на болницата.
Во воздушен напад во близина на детската болница Ал-Наср во западниот дел на градот загинаа тројца Палестинци, а десетици се ранети.
