Израелската Армија побара од жителите на 16 села во јужен Либан да ги евакуираат своите домови и да се преселат на околу 60 километри северно од либанско-израелската граница.
Портпаролот на израелската Армија, Авичај Адраи, ги повика жителите на 16 села, каде што беше издадено предупредување за евакуација, да ги напуштат своите домови.
Предупредувајќи ги луѓето во регионот „да не одат на југ“, Адраи рече дека тоа е опасно.
Израелската Армија принуди на раселување голем број луѓе во регионот со своите напади врз јужен Либан и повиците за евакуација.
Израелската Армија, која ги продолжува контролираните судири со Хезболах од 8 октомври 2023 година, изведе стотици воздушни напади на 23 септември врз градовите во јужен Либан, како и врз регионите Бека и Баалбек.
Според податоците на либанското Министерство за здравство, во израелските напади од 8 октомври 2023 година досега убиени се 2.710 Либанци, од кои 104 деца и 194 жени, а 12.592 лица се повредени.
Се проценува дека околу 100.000 луѓе се раселени во Либан поради израелските бомбардирања.
Додека продолжува бранот на миграции од јужните делови на земјата кон главниот град Бејрут и кон северот, либанската Влада објави дека повеќе од 518.000 раселени лица мигрирале во Сирија.
