Израелската Армија денес продолжи да бомбардира и крева во воздух куќи и згради низ Појасот Газа.
Очевидци за Анадолу изјавија дека израелската Армија силно ги гранатирала областите на северот на Газа, вклучувајќи ги ı областите Ал-Сафтави и Џабалија.
Силни експлозии се слушнале како резултат на детонирањето на домовите и зградите од страна на израелската Армија во северниот дел на Газа, додаваат очевидците.
Артилериско гранатирање беше исто така пријавено во области низ градот Газа, вклучително и во јужните и југоисточните населби Ал-Сабра и Зејтун, додека во областа на улицата Ал-Џала, во северозападниот дел на градот, израелските квадрокоптери отворија оган врз домовите.
Во централниот дел на Појасот Газа, артилеријата на израелската Армија ги погоди северозападните области на бегалскиот камп Нусејрат, покрај пукањето од воените возила и хеликоптери на Армијата, што резултираше со најмалку една повреда на еден Палестинец, според очевидци во областа.
Во областа Ал-Маваси во западниот град Рафа, во јужниот дел на Појасот Газа, исто така е забележано гранатирање од страна на израелската Армија, додека северните области на градот исто така доживеаја артилериско гранатирање, според очевидци.
Израел уби повеќе од 45.500 луѓе во Газа по прекуграничниот напад на палестинската група Хамас на 7 октомври 2023 година и ја претвори енклавата во урнатини.
Меѓународниот кривичен суд во ноември издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Израел е обвинет за геноцид пред Меѓународниот суд на правдата за неговата војна против енклавата.
