Израелската армија денеска објави дека планира повторно да го отвори преминот Кисуфим во центарот на Газа за да го зголеми протокот на помош во јужниот дел на Појасот Газа.
Овој потег доаѓа во време на зголемен меѓународен притисок врз Израел да обезбеди проток на поголема помош за Газа, каде што хуманитарните агенции предупредуваат на растечка хуманитарна криза на северот на енклавата.
Новиот премин ќе биде отворен по инженерски работи на изградба на контролни пунктови и асфалтирање на патишта, соопшти израелската армија.
Минатиот месец американскиот државен секретар Ентони Блинкен и секретарот за одбрана Лојд Остин испратија писмо до израелските власти во кое бараат конкретни мерки за справување со влошената ситуација во палестинската енклава.
Во писмото на израелската Влада и се дава 30 дена да ја подобри хуманитарната ситуација во Газа.
Меѓу барањата во писмото беше и отворањето на петтиот премин кон Газа.
