Петмина Палестинци загинаа од оган на израелската армија во џамија во бегалскиот камп Нур Шамс на северниот дел на Западниот Брег, соопшти војската.
Воениот портпарол Авичај Адраи тврди дека петмината мажи „се скриле во џамијата“ во кампот.
Авичај Адраи портпаролот на израелската армија рече дека командантот на Исламскиот џихад Мухамед Џабер, познат како Абу Шуџа, е меѓу петтемина обвинети дека извршиле напади врз илегалните израелски доселеници на окупираниот Западен Брег.
Во средата израелската армија започна воена операција на северот на Западниот Брег, најголема во последните две децении.
Речиси 20 Палестинци се убиени од почетокот на израелската операција, според Министерството за здравство.
Тензијата низ окупираниот Западен Брег е драстично влошена поради бруталната израелска офанзива на Појасот Газа, во која од 7 октомври минатата година загинаа повеќе од 40.500 Палестинци, главно жени и деца.
Над 660 Палестинци оттогаш се убиени, а речиси 5.400 други се повредени, според палестинските податоци.
Во значајно мислење на 19 јули, Меѓународниот суд на правдата ја прогласи повеќедецениската окупација на Палестина од страна на Израел за незаконска и побара евакуација на сите населби на Западниот Брег и Источен Ерусалим.
