Стотици израелски академици бараат да се откаже говорот на Нетанјаху во американскиот Конгрес
Израелскиот премиер Нетанјаху ќе се обрати пред американскиот Конгрес на 24 јули. Ова ќе биде прво патување на Нетанјаху во странство од 7 октомври
Околу 500 израелски академици изјавија дека поканата за израелскиот премиер Бенјамин Нетанјаху да одржи говор во Конгресот на Соединетите Американски Држави е „опасен политички и дипломатски чекор што носи ризици за слободниот свет, како и за нивната земја.
Израелскиот премиер ја прифати поканата да им се обрати на претставниците во двата дома на американскиот Конгрес.
Според веста објавена од „Ерусалим пост“, 500 израелски академици испратиле писмо до претседателот на Претставничкиот дом на САД, Мајк Џонсон, во кое повикуваат да се откаже говорот на Нетанјаху во Конгресот.
Израелските академици ја оценија поканата на Нетанјаху до Конгресот на САД како „опасен политички и дипломатски чекор што носи ризици за слободниот свет“, како и за Израел.
Израелските академици изјавија дека Нетанјаху не презел одговорност за неуспесите на 7 октомври, а поканата за Конгресот значи поддршка за израелскиот премиер.
Израелските академици го обвинуваат Нетанјаху дека ги врти израелските граѓани едни против други поради неговите политички и лични интереси.
„Неговиот единствен интерес е да ја зачува сопствената моќ и да го претвори демократскиот Израел во нова диктатура“, велат тие.
Се проценува дека поканата на Нетанјаху може да доведе до компликации во преговорите за размена на заробеници меѓу Израел и Хамас.
Израелскиот премиер Нетанјаху ќе се обрати пред американскиот Конгрес на 24 јули. Ова ќе биде прво патување на Нетанјаху во странство од 7 октомври.
Во рамките на оваа посета се очекува Нетанјаху да се сретне со американскиот претседател Џо Бајден.
