Силни експлозии одекнаа во четвртокот во бегалскиот камп Нусејрат во центарот на Газа за време на израелските воздушни напади.
Израелската армија го нападна станбениот дел на Ал Насра, што предизвика силни експлозии, а во воздухот се крена густ чад.
Силата на нападот, моментот на удар на станбената зграда и стравот од населението кое бега од нападнатата област најдобро се гледа на видеото од местото на настанот.
Пријавени се и цивилни жртви.
Палестинската новинска агенција ВАФА претходно објави дека во изминативе 24 часа се убиени десет Палестинци, меѓу кои и едно дете, во израелските напади врз различни делови на Појасот Газа.
Според ВАФА, детето било убиено во израелското бомбардирање на куќа во населбата Зејтун во градот Газа.
Едно лице е убиено во континуираните напади на израелската армија врз бегалскиот камп Џабалија во северниот дел на Газа.
Четворица Палестинци се убиени кога израелски воени авиони бомбардирале две куќи на семејствата Закут и Сахвил во северниот град Беит Лахија.
Четворица Палестинци се убиени, а многумина се повредени во напад на израелската армија врз раселените Палестинци во регионот Абасан, кој се наоѓа источно од градот Кан Јунис во јужниот дел на Газа.
Израелската армија разнесе населби и згради во градот Џабалија на северниот дел на Газа и во населбата Ал-Џенин во градот Рафа на југот на Газа.
