Кабинетот за безбедност на Израел во петокот го одобри договорот за прекин на огнот и размена на затвореници со Хамас во Газa.
Во соопштението од кабинетот на израелскиот премиер се наведува дека договорот е одобрен од Кабинетот за безбедност бидејќи, имајќи ги предвид политичките, безбедносните и хуманитарните аспекти, ги поддржува целите на војната и е доставен до Владата на конечно одобрување.
Се очекува израелската влада да се состане денеска за да разговара за прекин на огнот и договор за размена на затвореници со Хамас.
Од друга страна, израелскиот премиер Бенјамин Нетанјаху на состанокот на безбедносниот кабинет изјави дека добил гаранции од новоизбраниот американски претседател Доналд Трамп и потпретседателот Џо Бајден.
Според весникот „Једиот Ахронот“, Нетанјаху на состанокот на безбедносниот кабинет нагласил дека обезбедил поддршка од САД во случај преговорите за втората фаза од договорот за прекин на огнот да пропаднат.
„Добив цврсти гаранции од двајцата претседатели, Бајден и Трамп, дека ако преговорите за втората фаза од договорот не успеат и Хамас не ги исполни нашите безбедносни барања, ќе продолжиме со интензивни напади врз Газа, со поддршка на Соединетите Држави“, рече Нетанјаху.
