Контроверзните антипалестински коментари дадени од канадскa политичаркa, нејзиното последователно отпуштање, а потоа и нејзината одбрана од еврејските лоби групи, го стави во центарот на вниманието зборот „антисемитизмот“ кој стана флоскула за напад на критиките на израелската војна против Газа.
Селина Робинсон до неодамна беше министер во владата во Британска Колумбија. Таа пред две недели даде јавен коментар дека Палестина била „глупаво парче земја без ништо на неа пред европските доселеници да ја колонизираат“.
Говорејќи на вебинарот со наслов „Вечер со еврејски функционери“, кој беше организиран од “Б'наи Брит Канада“, таа рече: „Имаше таму, знаете, неколку стотици илјади луѓе, но тоа не создаде економија, не можеле да одгледуваат работи и немаше ништо на земјата“.
Колонијалниот коментар „тера нулиус“ (земја која законски се смета за ненаселена или не може да се насели) на Робинсон дојде неколку дена откако Меѓународниот суд на правдата (МСП) го повика Израел да престане со поттикнување на геноцид, кое беше искористено за бомбардирање на Газа.
Повеќе од 29.000 луѓе, од кои многу жени и деца, се убиени откако Израел започна брутална војна против палестинската енклава на 7 октомври.
Коментарите како оние на Робинсон се користат од страна на ционистите за легитимирање на протерувањето на повеќе од 700.000 Палестинци од нивните села во 1948 година.
Постои цела литература која покажува дека Палестинците имале одржлива економија, свои училишта, болници, фарми и бизниси, пред да бидат протерани од нивните предци.
Робинсон на вебинарот, исто така, тврдеше дека неодамнешните протести против масакрот на Израел во Газа биле антиеврејски.
Нејзиниот испад против Палестинците беше одговор на прашањето за дефиницијата на антисемитизмот на Меѓународната алијанса за сеќавање на холокаустот (ИХРА), која израелското лоби ја мобилизира за да ја задуши критиката за акциите на Тел Авив.
Покрај серијата антипалестински изјави во последниве месеци, Робинсон, исто така, го злоупотреби нејзиниот авторитет како министер за високо образование во Британска Колумбија за да „тргне“ по антивоените академици.
Одделот за антропологија на Универзитетот во Британска Колумбија, наводно, бил под притисок да ја избрише октомвриската изјава за поддршка на Палестинците откако Робинсон се сретнала со претседателот на универзитетот.
Во поеклатантен случај, Робинсон го натерала раководството на колеџот Лангара во Ванкувер да ја отпушти д-р Натали Најт, професорка по англиски.
Најт беше ослободена од истрагата на одборот на колеџот за широко распространети коментари кои го поддржуваат палестинскиот отпор. Но цитатот на Робинсон го твитна Центарот за Израел и еврејски прашања, жалејќи се на одлуката на одборот.
Како флагрантно кршење на академската слобода, министерката истакна: „Разочарана сум што оваа професорка продолжува да има јавна постсредношколска платформа за исфрлање омраза и отрови. Се сретнав со раководството на колеџот за да ја изразам мојата загриженост за Лангара и пошироките заедници“.
Следниот ден Најт беше отпуштена.
Како одговор, Канадското здружение на универзитетски наставници (ЦАУТ) и Федерацијата на постсредно образование на Британска Колумбија (ФСПЕ) заеднички повикаа Робинсон да поднесе оставка од функцијата министер за високо образование.
Во исто време, нејзиниот коментар дека Палестина била „глупава“ пред да пристигне ционизмот, се прошири на интернет, што поттикна илјадници луѓе да напишат писма со барање за нејзино отстранување од функцијата.
Над десетина џамии и муслимански здруженија објавија писмо во кое рекоа дека претставниците на владејачката партија не се добредојдени кај нив сѐ додека Робинсон не биде сменета.
Протестите, исто така, ја натераа владата да откаже голем број прес конференции и донаторски средби.
Премиерот Дејвид Еби на почетокот се спротивстави на повиците за отстранување на Робинсон од неговиот кабинет. Тој веројатно се загрижил дека тоа ќе биде означено како „антисемитизам“.
Очекувано е она што го направи Центарот за израелски прашања и другите штом Робинсон беше отстранета од кабинетот, бидејќи про-израелската лоби група тврдеше дека „еврејските лидери се држат за различен стандард од нееврејските“.
Од своја страна, Здружението на рабините на Ванкувер му се пожали на премиерот дека тој „поклекнал на притисокот од истите групи кои беа во центарот на невиден пораст на антисемитизмот и омразата насочена кон еврејската заедница“. Ова е и покрај изјавата на „Б’наи Брит“ со која организацијата се дистанцираше од коментарот на Робинсон.
Значи, кој навистина се држи за поинаков стандард?
Израелското лоби поседува единствен и моќен стап: способност да глуми жртва и да ги оцрнува како расисти оние кои се залагаат за правда.
Тие создадоа различни позиции, дефиниции и образовни програми дизајнирани да го заштитат Израел и неговите акции.
Еден „стап“ учествуваше на вебинарот со Робинсон. Неколку минути откако министерката ја опиша Палестина како „глупава“ зборуваше специјалниот пратеник на Федералната влада за зачувување на сеќавањето на холокаустот и борбата против антисемитизмот Дебора Лајонс.
Лајонс не се осврна на расизмот на Робинсон. Наместо тоа, таа постојано ја фалеше Робинсон, нарекувајќи ја „прекрасна“ и рече дека тесно соработувала со неа во борбата против „антисемитизмот“, што во голема мера значи критика кон Израел.
Лајонс неодамна го замени истакнатиот антипалестинец Ирвин Котлер на позицијата што владата на премиерот Џастин Трудо ја создаде во 2020 година.
Лајонс, која е поранешен канадски амбасадор во Израел, организираше пица забава за Канаѓаните кои се борат во израелската војска. Во јануари 2020 година, Лајонс одржа настан во амбасадата во Тел Авив за да ги прослави 78-те Канаѓани кои тогаш се бореа за Израел, изјавувајќи дека „ние во амбасадата сме многу горди на она што го правите“.
И покрај давањето кредибилитет на Владата на она што се претвори во најпубликуван инцидент на антипалестински расизам во канадската историја, Лајонс одбива да се извини зашто изгледа дека ги поддржува расистичките изјави на Робинсон.
Наместо тоа, улогата на Лајонс во скандалот ја истакнува врската помеѓу „борбениот антисемитизам“ на официјалните лица и отворениот антипалестински фанатизам. Колку луѓе ги загубија своите работни места поради одбрана на Палестинците како резултат на произраелските лоби групи кои бараат нивно отпуштање?
Можеби специјалниот пратеник на Канада за зачувување на сеќавањето на холокаустот и борбата против антисемитизмот треба да се преименува во специјален пратеник за промовирање на антипалестинизмот? Можеби про-израелските лоби групи треба да се погледнат во огледало за да видат кој се држи за „различни стандарди“.
