Касациониот суд, највисокиот француски суд, денеска ја потврди казната на поранешниот француски претседател Никола Саркози за корупција и трговија со влијание.
Саркози поднел жалба на пресудата од 2021 година за корупција и вршење влијание, во која беше осуден на три години затвор.
Адвокатот на Саркози, Патрик Спинози, изјави дека поранешниот француски претседател сега ќе се обрати до Европскиот суд за човекови права.
Две години затвор беа суспендирани и Саркози ќе биде во домашен притвор и ќе носи електронска нараквица за следење последната година од казната, наместо да оди во затвор.
Одлуката на судот значи дека Саркози ќе мора да носи електронска нараквица и нема да има право да се кандидира за јавна функција три години.
Саркози, кој остана важна фигура во француската политика дури и по напуштањето на функцијата во 2012 година, беше прогласен за виновен од понискиот суд за обид за поткуп на судија и тргување со влијание во замена за доверливи информации за истрагата за финансиите на неговата кампања во 2007 година.
Судот утврди дека Саркози направил заговор да обезбеди работа во Монако за судија во замена за инсајдерски информации за истрагата за наводите дека прифаќал незаконски плаќања од наследничката на Л'Oреал, Лилиан Бетенкур.
Судијата Жилберт Азибер исто така беше осуден за корупција и трговија со влијание. Саркози се очекува да му се суди следната година под обвинение за корупција и незаконско финансирање поврзани со наводното либиско финансирање на неговата претседателска кандидатура во 2007 година.
Саркози ја негира вината. Доколку биде прогласен за виновен во тој случај, може да се соочи со казна затвор до 10 години.
