Јасмин Шабан, една од палестинските затвореници ослободени како дел од договорот меѓу Израел и Хамас, рече дека ќе остане на патот на отпорот на окупираниот Западен Брег.
Оваа мајка на четири деца од Џенин на Западниот Брег разговарала со новинар на Анадолу Агенција откако била ослободена.
Таа веднаш по ослободувањето испрати порака до Палестинците во Појасот Газа.
„Ние сме со вас“.
Услови во израелскиот затвор
Таа зборуваше и за своите искуства во израелски затвор.
„Израелските власти се обидоа да ги деморализираат затворениците за да ја изгубат надежта за слобода и да мислат дека никогаш нема да бидат ослободени, но јас секогаш им кажував на сите дека имаме голема доверба во отпорот“, рече Шабан.
Таа се осврна и на условите во израелските затвори.
„Условите во израелските затвори се многу тешки. Окупациската политика се заснова на глад и тепање. Затворениците секојдневно се соочуваат со тепање и навреди. Имаме оставени затворенички кои исто така чекаат да бидат ослободени“, рече Јасмин.
Оваа Палестинка беше ослободена во 2019 година, откако помина пет години во израелски затвори, но повторно беше уапсена во март 2022 година и беше осудена на шест години затвор и парична казна од 8.000 шекели (1.970 евра).
Во петокот на 24 ноември стапи на сила четиридневното хуманитарно примирје меѓу Хамас и Израел.
Министерството за надворешни работи на Катар синоќа соопшти дека хуманитарната пауза е продолжена за уште два дена.
Според договорот, 150 Палестинци во израелските затвори ќе бидат ослободени во замена за 50 израелски затвореници кои ги држи Хамас.
Израел започна брутални напади врз Појасот Газа по прекуграничен напад на палестинската група Хамас на 7 октомври.
Оттогаш, според здравствените власти во енклавата, повеќе од 15.000 Палестинци се убиени, меѓу кои 6.150 деца и повеќе од 4.000 жени.
Официјалниот број на загинати во Израел е 1.200.
