Кина ja поздрави вестa за договор за прекин на огнот и размена на затвореници во опколената палестинска енклава Газа, повикувајќи на ефективно спроведување на договорот меѓу Израел и Хамас, објавија државните медиуми.
“Пекинг се надева дека договорот може ефективно да се спроведе за да се постигне сеопфатен и траен прекин на огнот во регионот“, изјави вчера портпаролот на Министерството за надворешни работи Гуо Џиакун.
Гуо рече дека Кина го поддржува спроведувањето на договорот за прекин на огнот и ќе продолжи да прави позитивни напори за обезбедување хуманитарна помош за Газа и помош во повоената реконструкција.
Исто така, пакистанскиот премиер Шехбаз Шариф рече дека е императив итно да се врати обезбедувањето на итно потребна хуманитарна помош во Газа и другите области зафатени од војна.
„Се надеваме дека овој договор за прекин на огнот ќе биде испочитуван со писмо и дух“, објави тој на X, потврдувајќи го пакистанскиот повик за решение со две држави во Палестина.
Индонезија исто така ја поздрави веста.
„Имплементацијата на овој договор мора да се изврши веднаш и сеопфатно за да се запре загубата на животи во Газа. Мирот во Палестина не може да се постигне без крај на израелската окупација и воспоставување на независна и суверена палестинска држава, во согласност со решението за две држави засновано на договорените меѓународни параметри“, се вели во соопштението на Министерството за надворешни работи.
Катарскиот премиер и министер за надворешни работи шеикот Мохамед бин Абдулрахман доцна во средата објави успех во постигнувањето договор за прекин на огнот во Појасот Газа, велејќи дека неговото спроведување ќе започне в недела.
