Воен командант на Хамас е убиен во израелски воздушен напад во градот Сидон во јужен Либан, соопшти армијата на Израел.
Во соопштението на армијата се наведува дека Мохамад Шахин бил убиен во напад со беспилотно летало врз автомобил во крајбрежниот град во заедничка операција на армијата и домашната безбедносна служба Шин Бет.
Армијата тврдеше дека Шахин е одговорен за планирање напади врз израелски цели од Либан.
Вооруженото крило на Хамас, бригадите Касам, потврди дека Шахин е убиен во напад на израелско беспилотно летало во Сидон.
Извор од Хамас претходно за Анадолу изјави дека Шахин бил цел на израелскиот напад.
Либанската државна новинска агенција претходно објави дека телото на едно лице било извлечено од автомобил во кое удрил израелски дрон на крајбрежниот пат во Сидон, без да се идентификува жртвата.
Нападот се случи кога израелската армија требаше да ги повлече своите сили од јужен Либан на 18 февруари, по месеци меѓусебно гранатирање меѓу Тел Авив и Хезболах што ескалираше во целосен конфликт во септември 2024 година.
