Портпаролот на Кремљ, Дмитриј Песков, ја критикуваше одлуката на Полска да распореди тенковски баталјон на границата со Белорусија, велејќи дека тоа е „уште еден чекор кон ескалација“.
„Сигурно ова е уште еден чекор кон ... ескалација и ништо повеќе“, рече Песков на прес-конференција во Москва, коментирајќи го соопштението на полскиот министер за национална одбрана Мариус Блашчак.
Тој додаде дека белоруските власти знаат што да направат во таква ситуација за да ја обезбедат безбедноста на земјата.
Осврнувајќи се на тврдењата за „украинско водство“ во саботажата на гасоводот „Северен тек 2022“ во Балтичкото Море, портпаролот на рускиот претседател рече дека истражителите треба да обрнат внимание на фактот дека вмешаноста на Киев сѐ повеќе се наведува во различни извори.
„Украинските траги на овaa саботажа, терористички чин, сѐ повеќе се појавуваат во различни извештаи, истраги, медиумски соопштенија“, рече Песков.
Песков исто така ја поздрави евакуацијата на руските државјани од Појасот Газа и им се заблагодари на сите страни што го овозможија тоа.
„Очекуваме процесот на излез на нашите граѓани да продолжи и дека сите кои се подготвени да ја напуштат Газа ќе можат да го сторат тоа“, рече тој.
Околу 70 руски државјани, вклучително и 28 деца, го напуштија Појасот Газа во неделата преку египетскиот граничен премин Рафа.
