Случајот на Јужна Африка против Израел пред Меѓународниот суд на правдата според претседателот на Големото народно собрание на Туркије Нуман Куртумлуш е почеток на нова ера и за Палестина и за Израел.
“Блиску се деновите кога Нетанјаху и неговата банда ќе бидат повикани на одговорност и судење пред меѓународните судови“, изјави Куртумлуш денеска во Анкара, пред обраќањето на палестинскиот претседател Махмуд Абас на вонредната седница за Палестина.
Анкара како што рече Куртумлуш со приклучувањето кон случајот, го покажа својот став во Меѓународниот суд на правдата и додаде дека палестинското прашање е национална кауза за Туркије.
“Почитувајќи го палестинското наследство, Туркије ќе продолжи да го штити регионот додека не се воспостави суверена и слободна палестинска држава во границите во 1967 година со Ерусалим како нејзин главен град”, рече тој.
Куртулмуш истакна дека милиони ширум светот изразија поддршка за Палестина без разлика на јазик, религија или раса.
“Каузата за Палестина ќе успее”, изјави Куртумлуш.
Абас и турскиот претседател Реџеп Таип Ердоган се состанаа вчера во Претседателскиот комплекс во Анкара за да разговараат за кризата во Палестина и чекорите за постигнување траен прекин на огнот и регионален мир.
Побивајќи ја резолуцијата на Советот за безбедност на ОН со која се бара итен прекин на огнот, Израел се соочи со меѓународна осуда поради неговата континуирана брутална офанзива против Појасот Газа по нападот на 7 октомври од страна на палестинската група на отпор, Хамас.
Во израелскиот напад оттогаш загинаа повеќе од 40.000 жртви, главно жени и деца, а според локалните здравствени власти повредени се над 92.400 други.
Повеќе од 10 месеци по израелскиот напад, огромни делови од Газа се во урнатини со блокада на храна, чиста вода и лекови.
Израел е обвинет за геноцид пред Меѓународниот суд на правдата (МСП), кој му нареди веднаш да ја прекине својата воена операција во јужниот град Рафах, каде што повеќе од милион Палестинци побараа засолниште од војната.
