Британските сили се вклучени во поддршката на Израел по ракетниот напад извршен од Иран,објавија денеска британските медиуми.
Нападот дојде како одмазда за неодамнешните напади во кои беа убиени клучни луѓе од Хезболах, Хамас и висок ирански командант.
Премиерот Кир Стармер според Би-би-си го потврди ставот на Велика Британија за целосна поддршка на Израел на самоодбрана.
Иако конкретни детали за вмешаноста на Велика Британија не се целосно откриени, британските борбени авиони одиграа улога во одговорот, слично како во април кога Иран последен пат лансираше проектили кон Израел.
Корпусот на гардата на исламската револуција на Иран изјави дека ракетниот бараж, составен од 180 проектили, бил директен одговор на целните убиства на милитантните водачи.
Израел објави дека повеќето од проектилите биле пресретнати.
Граѓаните на Велика Британија во Либан беа повикани да го пријават своето присуство кај владините претставници додека продолжуваат подготовките за евакуација.
Авион изнајмен од владата треба да полета од Бејрут денеска, но неколку Британци пријавија потешкотии во добивањето потврда за нивните места на летот.
