Министрите за здравство на Туркије и Египет разговараа за помошта за Газа

Министрите за здравство на Туркије и Египет разговараа за помошта за Газа

Коџа пристигна во египетскиот главен град и беше пречекан од Абдел Гафар и други официјални претставници
Министрите за здравство на Туркије и Египет разговараа за помошта за Газа / Photo: AA

Турскиот министер за здравство, Фахретин Коџа, се состана со египетскиот колега Калед Абдел Гафар во Каиро, каде што дискутираа за снабдувањето на Газа со хуманитарна помош и за трансфер на пациентите болни од карцином во Туркије.

Коџа пристигна во египетскиот главен град и беше пречекан од Абдел Гафар и други официјални претставници.

Минатата недела Коџа имаше телефонски разговори со израелскиот и египетскиот колега за трансфер на пациенти од опколената палестинска енклава преку граничниот премин Рафа.

Така беше формиран координативен тим со лица за контакт од Туркије, Египет и Израел.

Туркије достави тони опрема, вклучително лекови, медицински помагала, амбулантни возила и медицински материјали, како помош за жителите на Газа, каде што хуманитарната ситуација е катастрофална поради израелските напади од 7 октомври.

TRT Balkan / агенции
Популарни