Турската разузнавачка служба неутрализира терорист на ЈПГ/ПКК во Камишли, северна Сирија, соопштија денес безбедносни извори.
Националната разузнавачка служба го неутрализира Мурат Атеш, терорист на ПКК/ЈПГ одговорен за логистиката и финансиите во градот Камишли, изјавија изворите под услов да останат анонимни.
Атеш, со кодно име Ренас Амед, се приклучил на терористичката организација ПКК во Европа во 2014 година. Тој вршел вооружени активности во подрачјата на Кандил, Авашин и Гара во северен Ирак во периодот од 2014 до 2016 година.
Терористот учествувал и во обидите да се инфилтрира во Турските вооружени сили и се префрлил во Сирија во 2016 година, велат изворите.
Атеш оваа година почнал да работи како таканаречен финансиски службеник на воените болници во регионот Џазира и беше меѓу терористите кои управуваа со нелегалниот промет на пари.
Од 2016 година, Анкара започна три успешни антитерористички операции преку својата граница во северна Сирија за да спречи формирање на терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).
Во својата над 35-годишна терористичка кампања против Туркије, ПКК, којашто е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и бебиња, деца и жени. ЈПГ е сириски огранок на ПКК.
