Меѓународниот кривичен суд денеска соопшти дека прифатил 64 пријави од држави, организации и лица да интервенираат во барањата на обвинителот Карим Кан за издавање налози за апсење на највисоките функционери на Израел и Хамас, вклучително и премиерот Бенјамин Нетанјаху.
САД, Германија, Палестина, Норвешка, Ирска, Чешка, Ирска, Шпанија, Бразил, Аргентина, Јужна Африка, Бангладеш, Боливија, Колумбија, Чиле и Мексико (заеднички), Демократска Република Конго и Џибути беа меѓу државите чии поднесоци беа прифатени.
Барањата на Организацијата за исламска соработка и Арапската лига, произраелски фигури, вклучително и американскиот сенатор Линдзи Греам и еврејските академици беа исто така прифатени.
Барањата на заинтересираните страни не треба да бидат повеќе од 10 страници и мора да бидат поднесени најдоцна до 6 август.
Кан побара налог за апсење на Нетанјаху и министерот за одбрана Јоав Галант на 20 мај за воени злосторства и злосторства против човештвото во Појасот Газа.
Обвинителот, исто така, побара налози за тројца од највисоките лидери на Хамас, вклучувајќи го и неговиот шеф Исмаил Ханије.
