Меѓународниот суд на правдата одлучи дека Израел треба да ги преземе соодветните мерки во негова моќ со цел да не се извршуваат актите кои се забранети во Конвенцијата за геноцид.
Петнаесет судии биле за повикување на Израел да се воздржи од геноцидни дела од член 2 од Конвенцијата за геноцид, а двајца судии имале спротивно мислење.
Јужноафриканската Република поднесе тужба против Израел на 29 декември 2023 година, тврдејќи дека ги прекршил своите обврски од Конвенцијата за геноцид и побара привремени мерки за „спречување на понатамошна, сериозна и непоправлива штета на правата на палестинскиот народ според Конвенцијата за геноцид“.
Претседателката на судот Џоан Доногју во првиот дел од своето обраќање рече дека Меѓународниот суд на правдата е целосно свесен за човечката трагедија и e длабоко загрижен за загубата на човечки животи во Газа.
Таа рече дека Израел во Газа започнал голема воена кампања од копно, воздух и море, предизвикувајќи огромни цивилни жртви, уништувајќи ја цивилната инфраструктура и раселувајќи го мнозинството од населението во Газа.
Доногју рече и дека Меѓународниот суд на правдата има овластување да одлучува за привремени мерки кога станува збор за прекршување на одредбите од Конвенцијата за геноцид од страна на Израел.
Таа, исто така, ги цитираше изјавите на израелските власти кои повикуваат на уништување на Газа. Таа особено го привлече вниманието на изјавите на израелскиот министер за одбрана Јоав Галант, кој нареди „целосна опсада“ на Газа и им порача на војниците да се борат против „хуманоидните животни“.
Таа ги цитираше и изјавите на претставниците на меѓународните организации кои известија дека во Газа се случува хуманитарна катастрофа.
„Газа стана место на смрт и очај“, го цитираше претставникот на ОН, Мартин Грифитс.
Меѓународниот суд на правдата му нареди на Израел да направи сѐ што е во негова моќ за да спречи геноцид.
Меѓународниот суд на правдата во Хаг пресуди дека обвинувањата против Израел (во случајот за геноцид) се „разумно“ докажани.
Тој, исто така, пресуди дека Палестинците од Газа, изложени на израелски напади, се „заштитена група“ од член 2 од Конвенцијата за геноцид.
Меѓународниот суд на правдата во Хаг пресуди дека Израел мора да преземе мерки за да ги спречи дејствијата забранети со Конвенцијата за геноцид.
„Израел мора, во однос на Палестинците во Газа, да ги преземе сите мерки што се во негова моќ за да го спречи извршувањето на дејствијата опфатени со Конвенцијата за геноцид“, се наведува во одлуката.
Судот изјави дека Израел мора да дозволи испорака на хуманитарна помош во Појасот Газа, но и го обврза Израел да преземе мерки за заштита на Палестинците, но не му нареди да ги прекине воените операции во Појасот Газа.
Израел има рок од еден месец да поднесе извештај до судот за тоа што прави за да се усогласи со наредбата на МСП да ги преземе сите мерки што се во негова моќ за спречување на актите на геноцид во Газа.
Судот рече дека има јурисдикција да одлучува за итни мерки, додавајќи дека нема да го отфрли случајот за геноцид како што побара Израел.
Меѓу мерките што Јужна Африка ги побара беше итно запирање на бруталната офанзива на Израел, која уништи голем дел од енклавата и уби повеќе од 26.000 Палестинци, според здравствените власти во Газа.
Тој, исто така, побара МСП да донесе налог поради итноста на ситуацијата.
По завршувањето на рочиштата од 11 до 12 јануари, судот почна со расправа по испитување на поднесоците и доказите на странките.
