Наим Касем е именуван за генерален секретарна Хезболак, објави либанската вооружена група во вторникот. Касем му беше заменик на лидерот на Хезболах Хасан Насрала, кој беше убиен во израелски воздушен напад врз јужното предградие на Бејрут пред повеќе од еден месец.
Групата во соопштение за печатот напиша дека нејзиниот совет Шура го избрал 71-годишниот Касем во согласност со воспоставениот механизам за избор на генерален секретар.
Тој беше назначен за заменик лидер на Хезболах во 1991 година од тогашниот генерален секретар Абас ал-Мусави, кој беше убиен следната година во напад на израелски хеликоптер.
Касем ја задржа својата позиција кога Насрала стана лидер и долго време беше еден од водечките портпароли на милицијата, давајќи интервјуа за странски медиуми, вклучително и за време на минатогодишните прекугранични судири со Израел.
Насралах беше убиен на 27 септември, а високиот функционер на групата Хашем Сафиедин, кој се сметаше за негов најверојатен наследник, беше убиен во израелските напади една недела подоцна.
По убиството на Насралах, Касем имаше три телевизиски обраќања, вклучително и на 8 октомври кога рече дека вооружената група ги поддржува напорите за постигнување прекин на огнот во Либан.
Многумина во Либан веруваат дека тој ја нема харизмата и тежината што ги имаше Насрала.
Израелската влада на својот официјален профил на социјалната платформа Х објави:
„Неговиот мандат би можел да биде најкраткиот во историјата на оваа терористичка организација доколку тргне по стапките на неговите претходници Хасан Насралах и Хашем Сафиедин. Во Либан нема друго решение освен отстранување на оваа организација како воена сила, напиша владата на арапски.
