Израелската армија повторно изврши напад врз бегалскиот камп Нусејрат во Газа, во кој загинаа најмалку четворица Палестинци.
Палестинците со приватни возила ги транспортираа убиените во болницата Ал Авде во централниот дел на Газа, каде членовите на семејството, меѓу кои и децата, во солзи се простија од своите најблиски.
Бројот на загинати Палестинци во нападите на израелската армија врз Појасот Газа од 7 октомври 2023 година се искачи на 40.139, соопшти Министерството за здравство во Газа.
Прекршувајќи ја резолуцијата на Советот за безбедност на Обединетите нации (СБОН) со која се бара итен прекин на огнот, Израел се соочи со меѓународна осуда поради неговата континуирана брутална офанзива врз Појасот Газа од нападот на палестинската група Хамас на 7 октомври 2023 година.
Повеќе од десет месеци по израелската војна, големи делови од Појасот Газа се во урнатини.
Израел е обвинет за геноцид пред Меѓународниот суд на правдата, чија последна пресуда му наложи на Тел Авив веднаш да ја прекине воената операција во јужниот град Рафах, каде што повеќе од милион Палестинци побараа засолниште од војната пред да биде нападнат на 6 мај.
