Израелскиот премиер Бенјамин Нетанјаху упати предупредување до Хутите во Јемен, поддржани од Иран, кои ги интензивираа ракетните и нападите со беспилотни летала врз Тел Авив последните неколку недели.
„Ги напаѓаме нашите непријатели и оние што мислат дека можат да ни ја прекинат нишката на животот овде. Ова ќе важи за сите“, истакна Нетанјаху на платформата X во пораката по повод почетокот на еврејскиот празник Ханука.
Целејќи ги директно Хутите, Нетанјаху, исто така, рече: „Хутите ќе научат, како што научија Хамас, Хезболах, режимот на Асад и другите, па дури и ако е потребно време, оваа лекција ќе биде разбрана низ целиот Блиски Исток.“
Јеменската група на Хутите вели дека нејзините напади се одмазда за геноцидната војна на Израел во Појасот Газа, во која од 7 октомври 2023 година убиени се речиси 45.400 Палестинци, повеќето жени и деца.
