Новинарот на телевизискиот канал на палестинската управа е убиен во четвртокот заедно со десет членови на неговото семејство во израелски воздушен напад врз неговата куќа во јужниот дел на Појасот Газа.
„Нашиот новинар и колега Мухамед Абу Хатаб и членовите на неговото семејство беа убиени во бомбардирањето на неговата куќа во Кан Јунис“, објави палестинската телевизија.
Според официјалната палестинска новинска агенција ВАФА, Абу Хатаб известувал за настаните од болницата Насер во Кан Јунис и завршил со работата еден час пред нападот на неговиот дом.
Најмалку 27 новинари се убиени во израелските напади во Појасот Газа од 7 октомври, соопшти Синдикатот на палестинските новинари.
Синдикатот во средата објави дека еден од нејзините членови, Мајд Фазл Арандс, кој работел за веб-страницата Ал-Џамахир, бил убиен за време на напад во близина на неговиот дом во бегалскиот камп Нусират.
Израелската војска ги прошири воздушните и копнените напади врз Појасот Газа, кој е под немилосрдни воздушни напади откако палестинската група Хамас започна ненадејна офанзива против Израел на 7 октомври.
Во израелските напади во Појасот Газа загинаа 9.061 Палестинец.
