Во Газа има многу сериозна и срамна хуманитарна ситуација, изјави духовниот водач на католиците, папата Франциск.
За време на средбата со дипломатите, папата Франциск уште еднаш повика на прекин на огнот во Газа.
„Во Газа има многу сериозна и срамна хуманитарна ситуација. Повикувам да се достави сета неопходна помош за палестинскиот народ“, рече папата Франциск, пренесе италијанската агенција АНСА.
Тој изрази надеж дека страните во Газа ќе гообноват дијалогот и меѓусебната доверба.
„На овој начин идните генерации можат да живеат рамо до рамо, во мир и безбедност, а Ерусалим може да стане град во кој христијаните, Евреите и муслиманите живеат заедно во хармонија и со меѓусебно почитување“, рече папата.
Тој предупреди на зголемениот ризик од нова „светска војна“ и апелираше на дипломатија и дијалог.
