Најмалку 50 лица загинаа, а стотици други се повредени во израелските воздушни напади врз две училишта во градот Газа, каде што раселените Палестинци најдоа засолниште.
Израелски воени авиони и артилериски гранати го гранатираа училиштето Салах Ад-Дин под раководство на Обединетите нации и училиштето Маченик Асад Сафвати во населбата Ал Дараџ, објави палестинската новинска агенција Вафа, повикувајќи се на локални извори.
Израел ја продолжи својата воена офанзива врз Појасот Газа во петокот, откако стави крај на еднонеделното хуманитарно примирје со палестинската група Хамас.
Најмалку 509 Палестинци се убиени, а 1.316 се повредени од петокот во израелските воздушни напади, соопшти Министерството за здравство на Газа.
Најмалку 15.899 Палестинци се убиени, а повеќе од 42.000 се ранети во немилосрдните воздушни и копнени напади врз енклавата од 7 октомври, по прекуграничен напад на Хамас во кој загинаа 1.200 луѓе, според израелските власти.
