Полска потпиша договор вреден 10 милијарди долари за купување на 96 најнови хеликоптери АХ-64 Апачи од САД, објавија вчера локалните медиуми.
Говорејќи на церемонијата на потпишување во 56-та воздухопловна база во Иновроцлав, министерот за одбрана на Полска Владислав Косинијак-Камиш рече
„Договорот претставува револуционерен напредок во способностите на полските вооружени сили, особено во однос на соработката меѓу копнените сили и воздухопловните сили“.
Велејќи дека договорот вклучува купување на најнапредната верзија на најсовремените напаѓачки хеликоптери во светот, тој додаде дека поддршката на копнените трупи ќе бидат примарни мисии на коптерите, кои ќе ги користат копнените сили.
Купувањето на 96-те апачи во верзијата на Гардијан првично беше објавено во 2022 година од Мариуш Блашчак, тогашниот министер за одбрана.
Минатата недела беа потпишани договори за офсет со Боинг и Џенерал Електрик кои, меѓу другото, обезбедуваат сервисирање и реновирање на некои делови од хеликоптер во полските фабрики.
Според полската Агенција за вооружување, првичните испораки на хеликоптерите се планирани за 2028 година.
