Фудбалерите на Иран се последните учесници во четвртфиналето на Азиското првенство што се одржува во Катар.
Иран се проби меѓу осумте најдобри со победата од 5:3 против Сирија на пенали, а натпреварот заврши 1:1.
Иран поведе во 34. минута со голот на Мехди Тареми од пенал, а израмни Омар Кхрбин во 64. минута, исто така од белата точка. Иран остана без играч во судиското продолжение откако напаѓачот Тареми беше исклучен. Во дополнителните половина час немаше голови, па победникот го решаваа пенали.
Клучна беше грешката на сирискиот играч за врска Фахд Јусеф во втората серија, додека сите играчи во Иран беа прецизни.
Иран во четвртфиналето ќе игра против Јапонија, која го победи Бахреин со 3:1.
Рицу Доан и донесе почетно водство на Јапонија во 31. минута, а Такефуса Кубо во 49. минута погоди за 2:0. Бахреин ја намали негативата во 64. минута со автоголот на јапонскиот голман Зион Сузуки. Конечните 3:1 ги постави Ајасе Уеда во 72. минута.
ЧЕТВРТФИНАЛЕ
Петок, 2 февруари:
Таџикистан - Јордан
Австралија - Јужна Кореја
Сабота, 3 февруари:
Катар - Узбекистан
Јапонија - Иран
Јапонија е рекордер со четири титули во Азија, додека Катар ја брани титулата од 2019 година.
