Ракета истрелана од Либан во средата го погодила аеродромот Бен Гурион во централен Израел, јавуваат израелските медиуми.
Израелскиот Канал 12 соопшти дека ракетата предизвикала одложување на слетувањето и полетувањето на летовите на аеродромот, но локалните медиуми подоцна објавија дека воздушната активност се вратила во нормала.
На снимката објавена од израелските медиуми се гледа како ракета погодува автомобил на паркинг во областа Раанана во Тел Авив.
Нема информации за повредени или материјална штета.
Израелската армија соопшти дека од средата наутро биле лансирани 10 ракети од Либан, предизвикувајќи сирени за воздушен напад во неколку области во северниот и централниот дел на Израел.
Тензиите ескалираа поради израелската воздушна кампања во Либан од крајот на септември против, како што тврди, цели на Хезболах во ескалација од едногодишната прекугранична војна меѓу Израел и либанската група од почетокот на бруталната израелска офанзива на Појасот Газа.
Повеќе од 3.000 луѓе се убиени, а над 13.500 се повредени во израелските напади од октомври 2023 година, според либанските здравствени власти.
Израел го прошири конфликтот со копнениот напад во јужен Либан на 1 октомври оваа година.
