Палестинските христијани, чие постоење во палестинските земји датира од пред повеќе од 2.000 години, не само што се соочуваат со масакри во Појасот Газа, туку тие се изложени и на малтретирање и напади на окупираните територии.
Израелските сили, кои ја уништија инфраструктурата во Газа и ги гаѓаа црквите и џамиите, убија многу христијани и извршија психолошки и физички напади врз нив.
Познатите фанатични Евреи охрабрени од десничарските фигури во израелската влада, повремено напаѓаат цркви на окупираните палестински територии. Неспособноста на полицијата да ги спречи овие напади предизвикува и критики.
Водачите на христијанската заедница и црквите во Стариот град во Ерусалим ја обвинуваат израелската влада дека замижува пред нападите на еврејските доселеници врз светите места, свештенството и јавноста.
Кардиналот Пјербатиста Пицабала, претставник на Ватикан во Ерусалим, во својот говор во април рече: „Христијанската заедница е под сè поголеми напади. Владата на Нетанјаху ги охрабрува оние што го малтретираат свештенството и ги напаѓаат верските имоти“.
Палестинските христијани, особено во пресрет на Божиќ, беа изложени на бројни напади означени како „злосторства од омраза“ и „тероризам“.
Напади врз христијаните кои живеат на окупираните територии
Во последниве години, има зголемен број напади од еврејски доселеници врз христијани, верски личности и свети места во Источен Кудс (Источен Ерусалим).
Христијанските институции и свештенството ги обвинуваат израелските власти дека им дозволуваат на еврејските доселеници да вршат напади неказнето.
Според извештајот објавен во израелскиот дневен весник Хаарец во 2021 година, израелската полиција затвори девет од 10 истраги за случаи на злосторства од омраза врз џамии и цркви меѓу 2018 и 2020 година, наведувајќи ја неможноста да ги идентификува сторителите.
Нападите против христијаните првенствено се во форма на плукање со намера за навреда, како и физичко насилство. Додека некои Евреи го сметаат за „древна еврејска традиција што носи благослов“, други го нарекуваат „чин што нема никаква врска со еврејските закони.
Оние кои ги доживуваат овие напади често се двоумат да се соочат со фанатичните Евреи кои шетаат наоколу во банди и вршат напади со цел е да ги навредуваат и понижуваат луѓето. Оние кои го изразуваат својот приговор, или се соочуваат со физичко насилство или се изложени на напади со солзавец.
Палестинските христијани на Западниот Брег, особено во Витлеем, кој се смета за родно место на Исус, годинава се воздржаа од прослава на Божиќ поради тековните израелски напади во Појасот Газа.
Историскиот град Витлеем на Западниот Брег не ги красеше своите улици за божиќните прослави како во претходните години.
Во знак на солидарност со луѓето од Газа, мали фигури на бебето Исус беа поставени меѓу урнатините и бодликавите жици, кои ги претставуваат урнатините, во црквите низ Палестина, вклучувајќи ја и црквата Рождество Христово, изградена во четвртиот век на местото за кое се верува дека е родното место на Исус.
