Централната команда на САД (ЦЕНТКОМ) соопшти дека убила висок оперативец на терористичка група поврзана со Ал Каеда во Сирија.
„На 15 февруари, силите на американската Централна команда (ЦЕНТКОМ) извршија прецизен воздушен напад во северозападна Сирија, таргетирајќи и убивајќи висок оперативец за финансии и логистика во терористичката организација Хурас ал-Дин (ХаД), огранок на Ал Каеда“, се вели во соопштението на ЦЕНТКОМ.
Воздушниот напад беше дел од тековната посветеност на ЦЕНТКОМ со своите партнери во регионот да ги попречат и деградираат „напорите на терористите да планираат, организираат и изведуваат напади против цивили и воен персонал од САД, нашите сојузници и нашите партнери низ регионот и пошироко“, се додава во дописот.
„Ќе продолжиме немилосрдно да ги гониме терористите за да ја одбраниме нашата татковина и персоналот на САД, сојузниците и партнерите во регионот“, рече командантот на ЦЕНТКОМ, генерал Мајкл Ерик Курила.
