Владите на Соединетите Американски Држави, Франција, Германија и Велика Британија изразија загриженост за ескалацијата на конфликтот во Сирија, нагласувајќи ја потребата од деескалација и заштита на цивилите.
Во заедничката изјава објавена од американскиот Стејт департмент, САД, Франција, Германија и Обединетото Кралство ги повикаа сите вклучени страни да спречат понатамошно раселување и да овозможат непречена хуманитарна помош.
„Сегашната ескалација само ја нагласува итната потреба од политичко решение на конфликтот во Сирија, во согласност со резолуцијата 2254“, се вели во соопштението, нагласувајќи ја важноста од почитување на Резолуцијата на Советот за безбедност на Обединетите нации која претставува мапа кон мирот.
Во соопштението се нагласува важноста од заштита на животите на цивилите и инфраструктурата како клучен чекор кон ублажување на хуманитарната криза.
Вооружени антирежимски групи напредуваат на бојното поле во Алепо и други региони, само неколку дена откако започнаа ненадејна офанзива.
На 27 ноември избувнаа судири меѓу силите на режимот на Асад и антирежимските вооружени групи во западниот дел на Алепо во северна Сирија, што означи повторна ескалација на конфликтот по периодот на релативна смиреност во граѓанската војна што избувна во Сирија во 2011 година.
