Во 13 американски држави и главниот град Вашингтон е поднесена тужба против платформата ТикТок, со образложение дека апликацијата е дизајнирана да создаде зависност кај децата и да им наштети на нивното ментално здравје.
Додека продолжува процесот на забрана на ТикТок, едно од најконтроверзните прашања во последно време во САД кинеската платформа за социјални медиуми овојпат се соочува со тужби во 13 држави и главниот град.
Предводени од њујоршкиот јавен обвинител Летиција Џејмс и државниот обвинител на Калифорнија Роб Бонт, јавните обвинители во 13 држави и главниот град поднесоа тужба против ТикТок со образложение дека намерно користел софтвер, кој создава зависност за да им овозможи на децата да ја користат апликацијата што е можно подолго и да им наштети нивното ментално здравје.
Јавниот обвинител на Њујорк Џејмс во својата изјава рече:
„Иако ТикТок тврди дека е безбеден, младите луѓе во земјата ги губат животите обидувајќи се да ги следат трендовите на апликацијата.
Изјавувајќи дека ТикТок се фокусира на максимизирање на времето што младите корисници го поминуваат на платформата, Џејмс истакна дека компанијата ги зголемила приходите благодарение на рекламите специфични за корисниците.
Бонт исто така нагласи дека ТикТок е дизајниран да создава зависност со цел да го зголеми својот профит, велејќи:
„ТикТок намерно ги таргетира децата бидејќи знаат дека децата сè уште немаат капацитет да донесуваат здрави одлуки за содржината што предизвикува зависност“.
