САД соопшти дека нивните сили уништиле пет беспилотни летала на Хутите и два ракетни системи во области во Јемен контролирани од Хутите во последните 24 часа.
„Утврдено е дека овие системи претставуваат јасна и непосредна закана за американските и коалициските сили и трговските бродови во регионот“,објави американската Централна команда (ЦЕНТКОМ) на мрежата X.
„Овие активности беа преземени за да се заштити слободата на навигација и да се направат меѓународните води побезбедни за американските, коалициските и трговските бродови“, се додава во објавата.
Хутите гаѓаа товарни бродови поврзани со Израел во Црвеното Море и Аденскиот Залив во знак на солидарност со Појасот Газа, кој е под израелски напад од 7 октомври минатата година.
Претходно оваа година, американскиот секретар за одбрана Лојд Остин најави мултинационална мисија, Операција Просперитет Гардијан, за да се спротивстави на нападите на Хутите.
